ഒരു യാത്രാമൊഴി
സംഗീതം :ഇളയരാജ
രചന :ഗിരീഷ്‌
ആലാപനം :ശ്രീകുമാര്‍ ,ചിത്ര
തൈമാവിന്‍ തണലില്‍ തളിരുണ്ണും മൈനേ
വരിനെല്ലിന്‍ കതിരാല്‍ വിരുന്നൂട്ടാം നിന്നെ
ഝിം ഝിഞ്ചിലഝിം - പൂപ്പുഞ്ചിരിക്കൊഞ്ചലുമായ്
ധിം നാധിനധിം - എന്‍ ചിത്തരമുത്തൊരുങ്ങ്
ഉത്രാടക്കുട ചൂടും പൂത്തിരുനാള്
തൃത്താവേ നമ്മള്‍ക്ക് പുടമുറിനാള്
(തൈമാവിന്‍)
എണ്ണത്തിരിവിളക്കാളിത്തെളിഞ്ഞ
നിന്‍ നീലാമ്പല്‍ക്കണ്ണില്‍
എന്നെക്കിനാക്കണ്ടു തെന്നിത്തുടിയ്‌ക്കുന്ന
പൊന്‍‌മീനെക്കാണാന്‍
എണ്ണത്തിരിവിളക്കാളിത്തെളിഞ്ഞൊ-
രെന്‍ നീലാമ്പല്‍ക്കണ്ണില്‍
നിന്നെക്കിനാക്കണ്ടു തെന്നിത്തുടിയ്‌ക്കുന്ന
പൊന്‍‌മീനെക്കാണാന്‍
കൈക്കുമ്പിളിലെ പൈം‌പ്പാലമൃതേ
വാര്‍തിങ്കളിലെ പൊന്‍‌മാന്‍‌കുരുന്നേ
ഒരു നേരം കാണാഞ്ഞാല്‍
കഥയൊന്നും ചൊല്ലാഞ്ഞാല്‍
കരളോരം തിരതല്ലും കര്‍ക്കിടവാവ്
(തൈമാവിന്‍)
അമ്പിളിക്കൊമ്പന്റെ അമ്പലമുറ്റത്തി-
ന്നാറാട്ടും പൂരോം...
പൂത്തിരിപ്പൊന്‍‌തിരി പൂരനിലാത്തിരി
നിന്നുള്ളില്‍ പൂക്കും...
പൊന്‍‌ചെണ്ടയുണ്ടേ കൈച്ചേങ്കിലയും
ഈ നെഞ്ചകത്തെ പൂപ്പൊന്നുടുക്കും
ഇളനീരും പൂക്കുലയും നിറനാഴിച്ചെമ്പാവും
കുന്നോരം കണിവെയ്‌ക്കാന്‍ നീ പോരുമോ
(തൈമാവിന്‍)
